जखम

काळ कोणासाठी थांबत नाही म्हणतात,
पण तू थांबली असतीस तर...
खर प्रेम डोळ्यांतून सांडायच असत म्हणतात,
पण तू बोलली असतीस तर...

                 कालचक्र उलटे फिरवून मी भूतकाळातील वाटांमध्ये
                 तुझ्या पाऊलखुणा शोधत असतो,
                 अनंत आठवणी, अनंत चेहरे, अनेक प्रसंग, घटना
                 हरवलेले भावविभोर क्षण वेचत बसतो

काळ सर्व जखमांवरच औषध आहे म्हणतात,
कालौघात मग माझीही जखम भरली असती तर....

                विखुरलेली भावस्पंदन वेचताना
                हृदयातील साठलेले डोह ढवळतात,
                तुझ्या स्मृती खोल डोळ्यांत दडपतो
                पण अश्रू रुपाने त्या गालावर ओघळतात

मनापासून वांछीलेले कधीतरी मिळतेच म्हणतात
माझेही मागणे मग सुफल झाले असते तर ...

                                       -सुहास भुसे