 |
| भरून आलेले मेघ |
भरून आलेले मेघ
ही पावसाळी हवा
सोसाट्याचा वारा
अन बोचणारा गारवा..
मोरांचा नाच, कोकिळेचे कुंजन
अन घुमणारा पारवा
हि चाहूल कशाची ?
ऋतू येत आहे नवा..
निसर्ग उत्फुल्ल आहे
बहराच्या जाणीवेनं
आसमंत सारा
भरला आहे प्रेमानं ..
या सौंदर्याचा, या जाणीवांचा
आस्वाद घ्यावा प्रियतमेच्या साक्षीनं
तू कुठे आहे अशा वेळी
मन व्याकुळ विरहानं..
भरून आलेले मेघ
आवेगानं ओसंडतील
काळीज फाडून त्यांचे
जलधारा बरसतील..
मनसोक्त त्या वर्षावात
प्रेमासक्त मने चिंब होतील
प्रेमधारा झेलावया मजसवे
परी तू मात्र नसशील..
-सुहास भुसे
No comments:
Post a Comment